До 09:15 часот, одѕивот на локалните избори изнесува 3 отсто, при што гласале 41.890 граѓани. Според Државната изборна комисија (ДИК), гласањето се одвива непречено, освен на две избирачки места каде поради технички причини не се користи уред за биометриска идентификација, туку се применува УВ спреј и УВ ламба.
На гласачкото место 1133 во Куманово, каде се запишани 12 гласачи, немало струја, па гласањето се одвива без уред за биометриска идентификација. Во Штип, на гласачкото место 2271 со 507 запишани гласачи, два резервни уреди не успеале да стартуваат, поради што се користи алтернативна идентификација.
Претседателот на ДИК, Борис Кондарко, истакна дека до овој момент нема пријавено други проблеми и додаде дека слични ситуации се случиле и на минатогодишните парламентарни избори, но само на шест избирачки места.
Според првичните податоци за излезност, највисока излезност се регистрира во Пробиштип (6,64%), Лозово (6,36%) и Зеленикот (5,62%), додека најниска е во Врапчиште (0,87%), Кичево (2,35%) и Теарце (1,90%).
Кондарко информира дека Управниот суд ја потврдил одлуката на ДИК за тужбата поднесена од ДНЕТ, што значи дека сите гласови за советничка листа на оваа партија во град Скопје ќе се сметаат за неважечки.
На денешните избори гласањето се спроведува на 3.474 избирачки места, каде право на глас имаат 1.832.415 граѓани. ДИК ќе одржува прес-конференции на секои два часа, а првичните неофицијални резултати се очекуваат околу полноќ.
