Новогодишниот воз на Македонски железници – Транспорт ќе продолжи да сообраќа и на 2, 3 и 4 јануари, носејќи празнична атмосфера, радост и незаборавни моменти за најмладите и за целото семејство.
Од МЖ Транспорт информираат дека патувањето со возот нуди вистинска празнична авантура, а посебен гостин ќе биде Дедо Мраз, кој ќе ги поздравува децата, ќе дели насмевки, топли желби и новогодишна магија.
Возот ќе поаѓа од железничката станица во Скопје во следните термини: на 2 јануари во 18:00, 20:30 и 21:00 часот, на 3 јануари во 13:30, 18:00, 20:30 и 21:00 часот, како и на 4 јануари во 13:30, 18:00, 20:30 и 21:00 часот.
