Во текот на месец јуни 2025 година, во Република Северна Македонија се пријавени вкупно 10 нови случаи на КОВИД-19, што претставува пораст во однос на мај, кога беа регистрирани 6 случаи, но значително помалку во споредба со истиот месец минатата година, кога беа пријавени 25 случаи.
Сите новозаразени се од Скопје. За среќа, во овој период не е евидентиран ниту еден смртен случај поврзан со вирусот.
Според возрасната распределба, три од заболените лица се деца на возраст од 0 до 9 години, две лица се на возраст од 30 до 39 години, уште две припаѓаат на возрасната група од 40 до 49 години, а три лица се постари од 70 години.
Во текот на јуни, во овластените лаборатории за молекуларно и антигенско тестирање на SARS-CoV-2 биле анализирани вкупно 530 примероци – што е намалување од 18,8% во однос на мај.
