Македонската радио телевизија вчера се соочи со сериозен технички проблем поради кој не беа емитувани дневникот во 17 часот, централното издание во 19:30, како и една планирана дебатна емисија, дознава „Плусинфо“.
Според извори од внатрешноста на МРТВ, проблемот настанал поради пад на локалниот компјутерски сервер, кој го одржува надворешна компанија. Истите извори посочуваат дека техничките потешкотии траеле подолго време и повремено ја попречувале реализацијата на информативната програма.
По интервенцијата на техничките служби, редовната програма денеска е повторно воспоставена, а серверот ставен во функција.
