Истражна постапка против две лица за разбојништво во Куманово: Нападнале маж и му одзеле пари
Основното јавно обвинителство Куманово поведе истражна постапка против две лица осомничени за кривично дело разбојништво, согласно член 237 став 1 од Кривичниот законик. Според обвинителството, осомничените пред четири дена физички нападнале маж и му одзеле поголема сума пари.
Како што е наведено, двајцата го забележале оштетениот додека вршел размена на девизи и започнале да го следат со намера да му ги одземат средствата. Откако се приближил до неговиот дом, му пријдоа и му зададоа удар со тупаница во главата. Од ударот жртвата паднала на земја и ја загубила свеста, по што му одзеле 172.000 денари и 37.460 српски динари.
Судија на претходна постапка им определи мерка притвор во траење од 30 дена, поради опасност од бегство и можност за влијание врз истрагата.
Обвинителството продолжува со прибирање докази за целосно расветлување на настанот.
