Министерката за енергетика, рударство и минерални суровини Сања Божиновска присуствуваше на одбележувањето на 30-годишнината од присуството на Програмата за развој на Обединетите нации (УНДП) во Македонија, оценувајќи дека ова партнерство е едно од најзначајните за државата.
Таа истакна дека УНДП во изминатите три децении останува „силен, стабилен и исклучително важен сојузник“ во развојните процеси, со посебен придонес и во енергетскиот сектор.
Божиновска потсети дека УНДП беше клучен партнер и во организацијата на Меѓународниот форум за енергија и одржлив развој, нагласувајќи дека со овој настан Македонија покажа дека може да биде домаќин на глобални собири и да испрати јасна порака за својата амбиција и подготвеност да игра поважна улога во светските енергетски процеси.
„Во децениите што следат, ќе продолжиме да ја засилуваме соработката и темпото на реформите што ја движат државата напред“, порача министерката.
![[ФОТО] Над 800 присутни велешани на хуманитарниот концерт за семејството Јовевски, досега собрани 200 илјади денари](https://wsrv.nl/?url=https://eu-central-1.linodeobjects.com/cmsnebula/192db6b2-2efe-4399-a814-392d3a40412e-1536x1536-1-1000x600.jpg&w=256&q=75&we)
