Необичен инцидент се случил во Москва кога жена по грешка ја вклучила машината за перење алишта без да забележи дека нејзината мачка се наоѓа во барабанот.
Откако го слушнала мјаукањето, таа веднаш го запрела циклусот, но поради краток спој вратата не можела да се отвори, а водата не можела да се испушти. Во обид да го спаси миленичето, жената повикала спасувачки служби.
Спасувачите интервенирале и успеале да ја извадат мачката, која била жива. Според информациите, миленичето по име Џој брзо се опоравило и кратко по настанот дури и јадело.
Инцидентот завршил без потешки последици, а спасувачите апелираат до граѓаните секогаш да ја проверуваат машината за перење пред вклучување, особено доколку чуваат домашни миленици.
