На 28 ноември, Сатурн во Риби го заврши својот ретрограден период, носејќи олеснување за знаците Риби, Стрелец, Близнаци и Девица.
Ретроградниот Сатурн полека се движи директно, ослободувајќи од чувството на застој, несигурност и преоптовареност што многумина го чувствуваа изминатите месеци. Сега се создава можност да се примени она што сте го научиле за време на ретроградниот период – да се воспостават јасни граници, да се средат обврските и да се надминат стравовите и нејаснотиите.
Сатурн носи решителност, трпение и структура во хаотичните и емотивни енергии на Рибите. Интуицијата станува по практична, соништата можат да се претворат во планови, а одложените обврски сега се остварливи. Ова е период за стабилизирање, јакнење на личните граници и носење одлуки кои водат кон излез од емотивни или животни кризи.
Сега Сатурн наградува труд, зрелост и храброст за соочување со себе, со сопствените стравови и желби, отворајќи нов тек на енергија каде што се враќа контрола, јасност и чувство дека сте повторно на својот пат.
