Прашањето дали е поефтино бојлерот да работи постојано или само по потреба е познато на сите. Стручњак за куќни апарати објаснува дека не е точно дека постојаното работење е поекономично. Напротив, кај повеќето домаќинства тоа само ја зголемува сметката за струја.
За самци и парови, најдобро е бојлерот да се вклучи по потреба, на пример еден час пред туширање. Кај поголеми семејства, каде што топлата вода се користи во текот на целиот ден, практично е бојлерот да остане вклучен, но со внимателно поставен термостат.
Стручњакот нагласува дека температурата на бојлерот треба да се постави на 55–60°C. Под 55°C не се создава каменец, што значи помало оптеретување за грејачот, додека постојаната висока температура од 90°C забрзува создавањето на каменецот, особено во региони со тврдa вода.
Овој „златен трик“ не само што ја намалува потрошувачката на електрична енергија, туку и го продолжува животниот век на бојлерот, што долгорочно значи значителна финансиска заштеда.
