Македонскиот ансамбл „Танец“ на 20 декември 2025 година, со почеток во 19:30 часот во Националната опера и балет, ќе го одржи својот годишен концерт под наслов „Ритамот на душата, бојата на традицијата“, соопшти Министерството за култура и туризам.
Програмата ќе ги опфати најпознатите кореографии, традиционални ора и музички изведби кои го отсликуваат богатството на македонскиот фолклор. Настанот ја истакнува посветеноста на Ансамблот „Танец“ кон зачувувањето и сценската интерпретација на културното наследство, претставувајќи го фолклорот во неговиот најавтентичен и препознатлив облик.
