По повод 120 години од погубувањето на големиот револуционер Александар Турунџев, во Битола вечерва ќе се одржи свечена поворка и музички омаж посветен на неговото дело. Настанот, во организација на Општина Битола, започнува во 19:30 часот од ОУ „Ѓорѓи Сугарев“, местото каде херојот бил затворен, а ќе продолжи преку плоштадот Магнолија, покрај реката Драгор и Ат Пазар, до локацијата на новопоставениот споменик.
Во очи на неговото откривање, премиерно ќе биде изведена композицијата „Црно му било пишано“ – во изведба на Игор Дурловски, со пијано придружба и аранжман на Николче Мицевски, продукција на XL Studio Момироски и видео на Николај Грнчаров.
Оваа изведба е омаж и благодарност кон подвигот на Турунџев – симбол на жртвата, слободата и вечниот дух на Македонија.
