Швајцарската трговска куќа Gunvor, која понуди да го купи меѓународното портфолио на рускиот нафтен гигант Лукоил, соопшти дека ја повлекува понудата откако САД јасно ставија до знаење дека никогаш нема да ја одобрат трансакцијата.
Американското Министерство за финансии објави дека „сè додека Владимир Путин продолжува со бесмислено убивање, Gunvor никогаш нема да добие лиценца да работи и профитира од Лукоил“.
Портпаролот на Gunvor, Сет Пјетрас, изјави дека соопштението е „фундаментално погрешно и неточно“ и потврди дека компанијата ја повлекува понудата за меѓународната имот на Лукоил.
Лукоил поседува две рафинерии во Бугарија и Романија, 45% удел во холандска постројка за преработка на гориво и околу 2.000 бензински станици во Европа. Gunvor, основана во 2000 година од шведскиот милијардер Торбјорн Торнквист и Генади Тимченко (близок соработник на Путин), се обидува од повеќе години да се дистанцира од Русија, продавајќи руски имот и осудувајќи ја војната во Украина.
