Новите енергетски проекти, напредокот на тековните активности и можностите за експертска и финансиска поддршка беа теми на работната средба на министерката за енергетика, рударство и минерални суровини, Сања Божиновска, со претставници на германската развојна банка KfW.
Божиновска истакна дека соработката со банката отвора можности за нови инвестиции и примена на знаења што треба да придонесат за зајакнување на енергетскиот систем.
„Соработката со KfW отвора можности за нови инвестиции, знаење и проекти што ќе придонесат за посилен и постабилен енергетски систем“, посочи министерката.
Според Божиновска, новите вложувања, современите технологии и меѓународните партнерства се значајни за модернизацијата на енергетската инфраструктура и за посигурно снабдување со енергија.
Таа нагласи дека преку ваквата соработка се создаваат услови за побрз развој на енергетскиот сектор.
