Денеска попладне, патничко моторно возило завршило во реката Радика кај Манастирот „Св. Јован Бигорски“. Инцидентот се случил околу 15:48 часот, кога возилото изгубило контрола поради поголема брзина, се лизнало и се превртело, соопшти Регионалниот центар за управување со кризи (РЦУК) Тетово.
На лице место веднаш излегоа полициски службеници од ПС Ростуше, командирот на полициската станица, како и екипа од Територијалната противпожарна единица Гостивар со две возила и четворица пожарникари. Истовремено, интервенирала и екипа на Итната медицинска помош од Ростуше.
