Вуковарско-сремската полиција уапси 62-годишен турски државјанин поради напад врз полициски службеник на граничниот премин Бајаково.
Инцидентот се случил на 28 август за време на гранична контрола, кога осомничениот одбил да ги предаде своите документи на царински службеник и да постапи по наредбите на полицијата. Во еден момент, тој го удрил полицискиот службеник, а потоа и го каснал за рака.
Полицијата употребила средства за присилба за да го совлада напаѓачот, по што тој бил приведен и спроведен во службените простории на Граничната полициска станица Бајаково.
Со кривична пријава, 62-годишниот Турчин е предаден на надзорникот на притворот во Полициската управа Вуковар-Срем, а му е изречен и едномесечен притвор.
Полицискиот службеник претрпел полесни повреди во нападот.
