Во тешка сообраќајна несреќа во кумановскиот регион, откако две патнички се судрија на регионалниот пат Куманово–Скопје, во селото Љубодраг. Во инцидентот има пет повредени лица, а еден од возачите бил зад волан без возачка дозвола.
Несреќата била пријавена на 3 февруари 2026 година околу 10:55 часот во СВР Куманово. Според првичните информации, во судирот учествувале „ауди“ управувано од 47-годишниот М.А. од Љубодраг и „шкода“ што ја возел 51-годишниот Б.С. од Куманово, двете со кумановски регистарски таблички.
Најтешко повреден е возачот на „шкодата“, кој се здобил со тешки телесни повреди и бил пренесен на лекување. Со телесни повреди се и неговите двајца сопатници – Т.Р. од Куманово и М.Ј. од селото Черкези, како и возачот на „аудито“ и неговата сопатничка О.Ц. од Куманово.
По извршениот увид на местото на настанот, полициската екипа утврдила дека возачот на „шкодата“ го управувал возилото без да поседува важечка возачка дозвола.
