Тројца млади мажи, еден државјанин на Србија и двајца на Хрватска, загинаа во тешка сообраќајна несреќа во Германија додека се обидувале да избегнат полициска контрола, соопшти полицијата во Брауншвајг.
Несреќата се случила во саботата попладне, кога 34-годишен Србин, кој управувал автомобил со минхенски регистарски таблички, не застанал на знак за контрола на автопатот во близина на Брауншвајг.
По кратката потера, возилото излетало од патот и удрило во мост, по што паднало во канал. Полицијата го пронашла автомобилот десет минути подоцна, откако граѓани пријавиле дека виделе несреќа.
Според првичните информации, возачот се движел со голема брзина по федералниот автопат 4, ја изгубил контролата при престигнување, се судрил со друго возило во спротивна насока и прелетал преку заштитната ограда на мостот.
Во несреќата животот го загубиле Србиновиот сопатник и уште еден патник – двајца Хрвати на возраст од 25 и 31 година. Во другиот автомобил биле двајца Германци од Хамбург, кои се тешко повредени, од кои едниот е во критична состојба.
Полицијата спроведува истрага за причините и мотивот за бегството, а не се исклучува можноста возачот да сакал да избегне кривична одговорност.
