Ноќеска, на 09.11.2025 во 02:10 часот, полициски службеници од ОВР Ресен го лишија од слобода Б.Л. (45) од с. Царев Двор, ресенско, кој бил фатен додека управувал патничко возило „пежо“ со ресенски регистарски ознаки под дејство на алкохол.
При контрола, кај возачот биле измерени дури 2,78 промили алкохол во крвта, што ја става неговата состојба во категоријата „екстремно пијан“. Возачот бил отстранет од сообраќај, а против него ќе биде поднесена пријава за „безобѕирно управување со моторно возило“, казниво според член 297А од Кривичниот законик.
