Жител на тетовското село Добарце пријавил во полиција дека добил сериозни закани и барање за исплата на 250.000 евра, во спротивно, како што било наведено, ќе се соочи со последици.
Од СВР Тетово информираат дека на 23 јуни 2026 година во 00:10 часот во Полициското одделение Групчин, Д.Ф. (51) од село Добарце пријавил дека претходната вечер, околу 22:00 часот, неговиот соселанец Р.И., кој привремено престојува во странство, заедно со уште едно лице дошол во неговиот угостителски објект.
Според пријавата, Р.И. преку синот и зетот на сопственикот, кои работеле во објектот, упатил закани и побарал во рок од една недела да му бидат исплатени 250.000 евра
Полицијата презема мерки за пронаоѓање на пријавеното лице, како и за целосно расчистување и документирање на случајот.
