Во попладневните часови на 15 јули, околу 16:48 часот, во СВР Скопје е пријавено дека избувнал пожар во објект на приватна фирма на улицата „Борис Трајковски“. Според информациите, огнот ја зафатил фасадата на објектот и дел од складираниот градежен материјал.
Екипа на Бригадата за противпожарна заштита Скопје интервенирала навреме и го изгаснала пожарот, а за среќа, нема пријавени повредени лица. На местото на настанот извршен е увид од увидна екипа на СВР Скопје, а се утврдуваат причините за избувнувањето на огнот.
