СВР Велес поднесе кривична пријава против С.В. (45) од Неготино поради постоење основи на сомнение за сторено кривично дело „оштетување и неовластено навлегување во компјутерски систем“.
На 3 февруари 2026 година, пријавениот без знаење на овластената сметководителка го искористил нејзиниот број на уверението, прикачен на платформата isos.com.mk, и го употребил за поднесување на завршна сметка во Централниот регистер. Оштетената истиот ден била известена дека завршната годишна сметка на правно лице од Неготино е поднесена без нејзина согласност и без таа да ја изработи.
На 24 февруари бил извршен службен разговор со пријавениот, кој изјавил дека поднел завршна сметка за своето правно лице затоа што неговиот сметководител не бил внесен во Централниот регистер. Тој признал дека го користел бројот од страната isos.com.mk, која е достапна за сите, за да ја поднесе годишната сметка со уверението на оштетената.
Случајот е во тек, а СВР Велес продолжува со истрагата за да се утврдат сите околности.
