Во центарот на Нови Сад денеска дојде до жестоки судири меѓу полицијата и демонстрантите, јавува Nova.rs, а сцените од настанот брзо се проширија на социјалните мрежи.
Според сведоци, полицијата употребила солзавец кон насобраните, по што голем број луѓе се жалеле дека се гушат, а дел од нив паднале на земја. На снимките се гледаат и физички пресметки меѓу полицајците и демонстрантите.
Напнатата состојба следи по претходното целосно демолирање на просториите на владејачката Српска напредна странка (СНС) во градот, што дополнително ја зголеми тензијата на протестите.
