Страшно двојно убиство се случило во близина на Јагодина. Според првичните информации, 39-годишниот М.М. со нож ги усмртил својата баба Р.Ж. (76) и дедо Р.М. (79), по што побегнал од местото на злосторството.
Неофицијално, трагедијата се случила во селото Богава, општина Деспотовац. Телата на сопружниците биле пронајдени во семејната куќа рано изутринава.
Полицијата веднаш извршила увид, а на лице место пристигнал и јавниот обвинител од Вишото јавно обвинителство во Јагодина. Истражните органи работат на расветлување на случајот и потрага по осомничениот.
