Едно 18-годишно лице го загуби животот, а уште три лица се повредени во тешка сообраќајна несреќа што се случила ноќеска во близина на Јастребарско, Хрватска.
Според информациите од полицијата, несреќата се случила околу 2:15 часот во местото Горња Река, кога патничко возило, од засега непознати причини, излетало од коловозот.
На местото на несреќата животот го загубило едно лице, додека возачот и две сопатнички се здобиле со повреди и веднаш им била укажана медицинска помош. Засега не се соопштува официјално за тежината на повредите, иако дел од медиумите пренесуваат дека една од повредените девојки е во тешка состојба.
На терен интервенирале полициски екипи и итна медицинска помош, а во тек е увид со цел да се утврдат точните околности и причините за излетувањето од патот.
Надлежните институции најавија дека повеќе детали ќе бидат познати по завршувањето на истрагата.
