Министерот Глишиќ утрово доживеа тежок мозочен удар во емисија во живо – ова е моментот кога му се слоши [ВИДЕО]

Министерот Дарко Глишиќ доживеа мозочен удар во живо – состојбата е тешка

Министерот за јавни инвестиции на Србија, Дарко Глишиќ, доживеа тежок мозочен удар за време на гостување во утринската програма на Пинк телевизија, пренесува Блиц. Програмата беше прекината, а Глишиќ итно пренесен во Ургентниот центар во несвесна состојба.

Според неофицијални информации, состојбата е исклучително сериозна. На лице место веднаш пристигнал претседателот Александар Вучиќ, кој упати и порака на поддршка преку Инстаграм: „Даре, држи се! Нема предавање!“

Министерот за здравство, Златибор Лончар, изјави дека Глишиќ е меѓу највредните членови на Владата и дека му била пружена медицинска помош во рок од 20 минути. „Се прави сè што е можно, терапијата е започната, а во тек е подготовка за интервенција. Состојбата е исклучително тешка“, рече Лончар.

Глишиќ, инаку еден од најблиските соработници на Вучиќ, е дел од Српската напредна партија од нејзиното основање и во мај 2024 година беше назначен за министер во новата влада.