Хрватската јавност официјално беше запознаена со турските беспилотни летала „Бајрактар“, за чија набавка државата вложи 67 милиони евра.
Летелицата е долга околу 6,5 метри, со распон на крилата од 12 метри. Таа може да достигне брзина од 220 километри на час и да лета на височина од 5.500 метри. Носи товар до 150 килограми и е способна да остане во воздух и до 27 часа.
Системот „Бајрактар“ моментално е дел од вооружувањето на 37 земји низ светот, меѓу кои и повеќе членки на НАТО. Името го носи по презимето на својот идеен творец, зетот на турскиот претседател Реџеп Таип Ердоган, а во превод значи „носач на знаме“.
Со набавката, Хрватска влегува во кругот на држави кои инвестираат во модерна беспилотна технологија со цел унапредување на своите одбранбени капацитети.
