Во првата половина од 2025 година, 103 лица се откажале од албанско државјанство, покажуваат официјалните податоци. За споредба, во истиот период минатата година бројката изнесувала 315 лица.
Главната причина за откажување од албанскиот пасош е стекнување на друго државјанство, како германско или француско, каде законите не дозволуваат двојно државјанство, објави „јуроњуз.ал“.
Според статистиката, минатата година рекордни 900 лица се откажале од албанско државјанство, додека од 2004 до 2024 година околу 522.000 Албанци се откажале од своето државјанство.
