Австралиски астрономи во средината на јуни детектираа необичен радио сигнал кој краткотрајно ги засени сите други сигнали на небото. Првично мислеа дека станува збор за далечен астрономски феномен, но подоцна беше утврдено дека сигналот доаѓа од стар сателит лансиран во 1964 година, кој престанал да работи уште во 1967 година.
Експертите сметаат дека силниот сигнал е предизвикан од електростатско празнење или од судир на сателитот со микрометеорит. Овој настан ги предупредува научниците дека старите сателити и вселенскиот отпад можат да создаваат радио смет што го отежнува астрономското набљудување.
„Ако сателитите можат да произведуваат такви радио бљесоци, ќе мораме да бидеме многу внимателни“, предупредува астрономот Кленси Џејмс од Универзитетот Кертин.
Ова откритие исто така сугерира дека радио телескопите можат да се користат за следење на состојбата на старите сателити, што може да биде поекономично од големите антени. Сепак, проблемот со вселенскиот отпад и натаму претставува голем предизвик за идните вселенски истражувања и астрономија.
