Украинскиот претседател Володимир Зеленски најави дека во следната година Украина ќе започне со извоз на оружје како начин за финансирање на одбраната од руската инвазија.
„Благодарение на контролираниот извоз ќе продолжиме да произведуваме дронови за боиштето“, изјави Зеленски во вечерната видеопорака. Тој нагласи дека домашното производство на одредено оружје веќе ја надминало домашната побарувачка, вклучувајќи поморски дронови, противтенковско оружје и други видови вооружување.
Сепак, приоритет останува снабдувањето на фронтот и обновата на украинскиот арсенал. Планот за извоз ќе биде изработен во наредните две недели, при што САД ќе бидат првиот партнер, следени од европските држави и други земји кои покажале интерес за украинското оружје.
Зеленски истакна дека извозот ќе биде под строг надзор за да се обезбеди дека украинските технологии нема да завршат во рацете на Русија или нејзините сојузници. Украина се брани од руската инвазија повеќе од три и пол години и во тоа време доби безпрецедентна финансиска и воена помош од западните сојузници.
