ВИДЕО – МАСОВНИ ВОЗДУШНИ НАПАДИ: САД и Израел го погодиле аеродромот „Мехрабад“ во Техеран

Во најнов развој на кризата на Блискиот Исток, Соединетите Американски Држави и Израел извршија координирани масовни воздушни напади врз иранска територија, вклучувајќи го и меѓународниот аеродром „Мехрабад“ во Техеран, соопштија неколку меѓународни медиуми и официјални воени извори.

Според известувањата, нападите што започнаа рано утрово биле дел од широкоопсежна офанзива, наречена „Епски гнев“, насочена кон клучна иранска воена и инфраструктурна цел. Покрај цивилниот аеродром „Мехрабад“, цел на удари биле и други стратешки објекти во Техеран и централниот дел на Иран.

Засега нема официјални податоци за бројот на жртви или опфатот на материјалната штета, но иранските медиуми известуваат за силни експлозии и пожар во близина на аеродромот, како и во други делови на главниот град.

Оваа акција следи по упорните тензиите меѓу Вашингтон, Тел Авив и Техеран, кои кулминираа со претходни воздушни удари, меѓународни осуди и закани за натамошни воени одмазди. Иранската страна најави силен одговор на инцидентот, додека глобалната заедница изрази загриженост поради ескалацијата на конфликтот што може да има далекусежни последици за регионалната стабилност.