инистерот за внатрешни работи Панче Тошковски на денешната прес конференција за вчерешната трагедија во скопски Карпош каде жена и малолетно дете го загубија животот по пад од балкон, истакна дека во 2025 и 2026 година биле евидентирани повеќе пријави за нарушени односи меѓу сопружниците, полицијата постапувала, но во сите наврати оштетената се повлекувала од поднесените пријави.
-Во 2025 и 2026 година биле евидентирани повеќе пријави за нарушени односи меѓу сопружниците. Полицијата постапувала и преземала мерки, но, во сите наврати оштетената се повлекувала од поднесените пријави, информираше Тошковски.
Министерот информираше дека пријавата за трагедијата во Карпош, каде жена и малолетно дете го загубија животот по пад од балкон, била примена од случаен минувач.
Тошковски посочи дека настанот имал претходница истиот ден. На 2 март во 12:05 часот била примена пријава за расправија меѓу сопружниците, а полициски службеници пристигнале на адресата во 12:19 часот. Бил извршен разговор со сопругата, која изјавила дека немало физички контакт со сопругот, дека станувало збор за мало недоразбирање и дека не бара поведување постапка ниту интервенција. Таа навела дека брачните односи ги решава преку бракоразводна постапка и потпишала службена белешка.
-Се откажувам од пријавата, помеѓу нас немаше физички контакт, се работеше за мало недоразбирале, го решивме по мирен пат и не бара, полициска интервенција. Не сакам да го пријавам како семејно насилство, работите ќе го средам по мирен пат и ќе се разведам, стои во белешката која Ивана ја потишала како изјава дадена пред полицијата.
Тошковски посочи дека полицијата ќе утврдува дали ваквата изјава била дадена под присила или не, дали сопругот бил присутен во моментот и можеби влијаел на оваа изјава.
Тој додаде дека мајката и детето во временски интервал пред да паднат од балкон, се заклучени од внатрешна страна во станот и друго лице присутно во станот во моментот на падот од балкон, согласно информациите кои се доставени до него, немало.
Министерот истакна и дека полицијата има видео запис сопругот, кој се наоѓа на распит во полициска станица, ја удира жртвата.
Се сомничи за сторени повеќе кривични дела, по членовите 1282 Наведување на самоубиство и помагање во самоубиство“, член 130 став 2 за телесна повреда и член 144 став 3, загрозување на сигурноста.
Стојанче Јовановски имал 10 кривични пријави за насилен криминал, имотни деликти и дрога
Сопругот и татко на сега починатите мајка и ќерка кои вчера паднаа од зграда во Тафталиџе имал богатo криминално досие.
Министерот за внатрешни работи Панче Тошковски денеска на прес-конференција истакна дека Стојанче Јовановски по вчерашниот настан е лишен од слобода поради сомнение за сторено кривично дело, по што ќе му биде поднесена соодветна кривична пријава по брза постапка.
-Во СВР Скопје за лицетоима 10 кривични пријава за дела од областа на насилен криминал, имотни деликти и дрога. По апсење за дрога, биле пронајдени 20 паковки дрога, а МВР отпочнало брза постака и доставиле кривична пријава до Јавното обвинителство и од страна на ЈО биле побарани мерки на претпазливост и истите биле изречени од судот. Во 2025 и 2026 година имало повеќе пријави за нарушени односи и човечки напади меѓу сопружниците и полицијата постапувала. Во сите наврати пријавите биле повлекувани и сега починатата Ивана се откажувала од водење на понатамошни постапки, вели Тошковски.
На вчерашната трагедија и претходела нова расправа меѓу сопружниците при што полицијата интервенирала, но Ивана изјавила дека немало физички контакт, се работело за недоразбирање кое ќе го решеле по мирен пат и не бара полициска интервенција. Тошковски вели дека сега почината Ивана, ставила свој потпис на сочинетата белешка пред заминувањето на полицијата.
