Најголемиот светски комплекс за преработка на гас во Оренбург, Русија, беше погоден од украински дронови, при што беше оштетен еден дел од комплексот, но нема повредени вработени, соопшти гувернерот на регионот.
Гувернерот Евгениј Солнцев објави на својот официјален Телеграм канал дека нападот предизвикал пожар во работилницата на комплексот, кој беше изгаснат од итните служби. Ова е прв пат комплексот, дел од гасно-хемискиот комплекс Оренбург со годишен капацитет од 45 милијарди кубни метри гас, да биде погодено.
Во комплексот се преработува гасен кондензат од нафтено-гасното поле Оренбург, како и од казахстанското поле Карачаганак.
Во меѓувреме, гувернерот на Самарската област, Вјачеслав Федоришчев, соопшти дека противвоздушната одбрана интервенирала против украински дронови, поради што локалниот аеродром и мобилниот интернет привремено беа прекинати. Рускиот министер за одбрана соопшти дека нивните сили обориле 45 украински дронови, од кои 12 над Самарската област, 11 над Саратовската и еден над Оренбуршката област.
Украина од август ги засили нападите врз руски рафинерии и енергетски постројки, со цел да ја наруши снабденоста со гориво и да го ограничува финансирањето на Москва.
