Полскиот премиер Доналд Туск предупреди дека земјата се наоѓа „најблиску до вооружен конфликт од Втората светска војна досега“, јави „Скај њуз“.
Тој потврди дека Варшава побарала активирање на Член 4 од НАТО, со очекување за конкретни чекори од сојузниците, а не само декларативна поддршка. Членот 4 овозможува отворање безбедносни консултации во рамките на Алијансата, но не подразбира автоматска воена акција.
Туск истакна дека изминатата ноќ биле регистрирани 19 повреди на полскиот воздушен простор, од кои четири дронови биле соборени. Според него, дел од леталата влегле од правец на Белорусија.
