По неодамнешните коментари на поранешниот претседател Барак Обама за постоење на вонземски живот, претседателот Доналд Трамп излезе со одлучна наредба до федералните агенции, вклучително и до Министерството за одбрана на САД, да започнат систематско идентификување и објавување на сите владини документи кои би можеле да се однесуваат на вонземни цивилизации.
Трамп, кој ја аргументираше одлуката како потреба да се воспостави транспарентност, истакна дека ја презема оваа мерка поради, како што рече, „неодговорни откритија“ што ги направил Обама во својот гостувачки настап на подкастот на Брајан Тајлер Коен. Обама во тој разговор призна дека верува оти животот надвор од Земјата е можен, но нагласи дека лично не видел никакви сигнали за контакт.
„Тој не требаше да го направи тоа. Направи голема грешка“, изјави Трамп за поранешниот претседател, кој, со оглед на огромните реакции на социјалните мрежи, подоцна додаде и појаснување: статистички гледано, смета дека „во универзум со вакви размери е логично да постои живот некаде надвор од нашата планета“, но нагласи дека додека бил на чело на Белата куќа, не видел „никаков доказ за контакт“.
Покрај критиките кон Обама, Трамп, кој своевремено бил мета на разни теории за „Анничка 51“ и владини прикривања, отворено призна дека и самиот нема формирано цврсто мислење за вонземскиот живот. „Не знам дали постојат или не“, рече тој, оставајќи ја вратата отворена за сите можности.
