Директорот на FBI, Каш Пател, ќе се појави пред американскиот Конгрес на сослушуваењ за истрагата околу убиството на Чарли Кирк. Повикот доаѓа поради наводни пропусти на агенцијата и неточна објава дека осомничениот е веќе во притвор.
Пател ќе одговара пред Сенатот и Претставничкиот дом за тоа како FBI ја водел истрагата, а демократите најавија прашања и за други контроверзии, вклучително смена на високи службеници поради наводен политички притисок, промени во приоритетите на агенцијата и истраги поврзани со барања од претседателот Доналд Трамп.
Трамп претходно го пофали Пател за брзината со која беше идентификуван и уапсен осомничениот Тајлер Робинсон. Сепак, локалните власти потоа демантираа дека осомничениот веднаш бил притворен, откако двајца приведени беа ослободени и инцидентот сè уште траел.
