Полските воздухопловни сили беа активирани во текот на ноќта како одговор на интензивирана руска воена активност во близина на украинско-полската граница, соопшти Оперативната команда на вооружените сили на Република Полска.
„Полските и сојузничките воздухопловни сили започнаа операции, а системите за противвоздушна одбрана и копнениот радарски надзор се ставени во состојба на висока готовност“, се наведува во соопштението објавено на официјалната веб-страница на Оперативната команда, а пренесено од руските агенции.
Полската армија нагласува дека преземените мерки имаат за цел да ја обезбедат безбедноста на териториите што граничат со Украина.
Од руското Министерство за одбрана повеќепати посочија дека летовите на руските воени авиони се изведуваат строго во согласност со меѓународните правила за користење на воздушниот простор.
