Портпаролот на рускиот претседател Дмитриј Песков изјави дека датумот за средбата меѓу Владимир Путин и Доналд Трамп сè уште не е утврден и дека е потребна внимателна подготовка.
„Ниту Трамп, ниту Путин не сакаат да губат време“, рече Песков, додавајќи дека подготовките ги следат многу гласини, од кои голем дел се неточни.
Песков потсети дека ставот на Москва за Украина е добро познат и јасно артикулиран од Путин. Планови за самитот беа привремено паузирани откако Русија одби итен прекин на огнот, што го блокираше почетокот на преговорите.
Трамп порача дека не сака „бесмислен состанок“, но најави можни нови информации во следните два дена.
