Иран извести дека „непријателски бродови“ можат да поминат низ Ормускиот теснец само ако претходно се координираат со иранските власти. Оваа одлука доаѓа во време кога американско-израелската војна против Иран скоро го запре преминувањето на околу една петтина од светската нафта и течен природен гас, предизвикувајќи значителни прекини во глобалните испораки, објави Ројтерс.
Писмото од иранското Министерство за надворешни работи беше испратено до Советот за безбедност на ОН и генералниот секретар Антонио Гутереш, како и до 176-те членки на Меѓународната поморска организација (IMO).
„Непријателските бродови, вклучувајќи ги и оние поврзани со други држави, можат да остварат право на безбеден премин преку теснецот во координација со надлежните ирански власти, доколку не учествуваат или поддржуваат агресија против Иран и го почитуваат објавените безбедносни прописи“, се наведува во писмото.
