Естонските безбедносни служби соопштија рано утринава дека руско беспилотно летало удрило во оџакот на електраната „Овер“ во североисточниот дел на земјата, во близина на границата со Русија. Според информациите од Истражната служба за безбедност (ISS), во инцидентот нема повредени лица, но беспилотната летала влегла во естонскиот воздушен простор од руско подрачје.
Државното обвинителство истакна дека засега нема докази дронот намерно да бил насочен кон електраната или кон Естонија како целина. „Според моменталните податоци, нема индиции дека целта била Естонија“, рече обвинителката Астрид Аси, додавајќи дека започнала истрага за да ги разјасни околностите околу инцидентот. Специјалните единици, предводени од ISS, заедно со деминери на Одборот за спасување (Päästamet), се на терен.
Министерката за правда Лииса‑Ли Пакоста најави дека владата ќе одржи итна седница уште утрово, поради потенцијалниот безбедносен ризик. Од компанијата Generator Enefit Power, која управува со електраната, велат дека нема значајни штети и дека инцидентот нема да го наруши функционирањето на естонскиот енергетски систем во блиска иднина.
Марго Палосон, генерална директорка на ISS, го поврза случајот со пошироките ефекти од “целосната војна на агресија на Русија” и предупреди дека вакви настани можеби ќе станат почести. Безбедносните власти апелираа до граѓаните да не се доближуваат до остатоци од беспилотни летала поради можноста од експлозивни остатоци и повикаа секој што видел нешто поврзано со инцидентот да го пријави преку официјалниот контакт на ISS.
