Европските лидери ќе се сретнат утре навечер во Брисел на неформален состанок на Европскиот совет, со цел да ја разгледаат растечката криза околу Гренланд и нејзиното влијание врз трансатлантските односи.
Претседателот на Европскиот совет, Антонио Кошта, во писмо до учесниците нагласи дека на дневен ред ќе биде „размена на мислења со претседателката на Европскиот парламент, како и дискусија за натамошната координација на чекорите на Унијата“. Состанокот е закажан да започне во 19 часот.
Кошта, кој пред два дена најави дека ќе свика вонредна седница поради тензиите околу Гренланд, повтори дека ситуацијата бара брза и усогласена реакција. „Со оглед на значењето на последните случувања и потребата од понатамошна координација, решив да го свикам состанокот во наредните денови“, објави тој на социјалната мрежа Икс.
