Иран има помоќен ракетен арсенал од Израел: Стратешка предност што го менува текот на конфликтот

И покрај тоа што иранското воено воздухопловство не се смета за значајна сила, ракетната моќ на Техеран се покажува како клучна закана за Израел, особено по последните две ноќи на масовни напади. Според проценките на Центарот за стратешки и меѓународни студии (CSIS), Иран располага со најголем и најразновиден арсенал ракети на Блискиот Исток.

Техеран има илјадници балистички и крстосувачки ракети од различен тип, кои во последните години се надополнети со огромен број беспилотни летала од серијата Shahed. Овие проектили и дронови остануваат главното офанзивно оружје на Иран, кое ефикасно се користи во тековниот судир.

Клучното прашање што сега се поставува е: колку долго Иран може да го одржи интензитетот на нападите, особено ако Израел продолжи со сѐ поразорни удари – можеби и длабоко во внатрешноста на иранска територија.

Аналитичарите предупредуваат дека конфликтот добива нова димензија, каде што иранската ракетна супериорност би можела значително да ја промени воената рамнотежа на Блискиот Исток.