Берлин – Германскиот претседател Франк-Валтер Штајнмаер упати остри критики кон надворешната политика на САД под водство на претседателот Доналд Трамп, предупредувајќи дека светот се соочува со сериозна опасност од распаѓање на меѓународниот поредок.
Говорејќи на симпозиум во Берлин, Штајнмаер изјави дека глобалната демократија е нападната како никогаш досега и дека однесувањето на САД претставува „втор историски пресврт“, по анексијата на Крим и војната во Украина.
Тој оцени дека се случува распад на вредностите од страна на државата која имала клучна улога во создавањето на поствоениот светски поредок, предупредувајќи дека светот не смее да се претвори во „дупло на разбојници“ каде најмоќните земаат што сакаат.
Во меѓувреме, анкета на германскиот јавен сервис АРД покажува дека 76 проценти од Германците сметаат дека САД повеќе не се сигурен партнер за Германија, што е највисоко ниво на недоверба досега. Само 15 проценти од испитаниците изјавиле дека имаат доверба во САД, додека мнозинството смета дека Франција и Велика Британија се далеку посигурни партнери.
