Соединетите Американски Држави се подготвени да бидат дел од безбедносните гаранции за Украина, изјави денеска германскиот канцелар Фридрих Мерц по одржувањето на самитот меѓу американскиот претседател Доналд Трамп и рускиот лидер Владимир Путин на Алјаска.
Мерц претходно го поздрави ангажманот на Трамп, кој на средбата со Путин истакна подготвеност за ставање крај на војната во Украина и воспоставување траен мир.
„Украина може да смета на нашата непоколеблива солидарност додека работиме на мир кој ќе ги штити виталните безбедносни интереси на Украина и на Европа“, порача германскиот канцелар преку социјалната мрежа Икс.
Како што пренесе „Ројтерс“, неговата изјава во голема мера ги повторуваше ставовите од заедничката декларација на европските лидери.
