Европската Унија денес го повика Израел да ја запре копнената инвазија на северна Газа, предупредувајќи дека продолжувањето на офанзивата ќе доведе до уште поголемо уништување, број на жртви и раселување на цивили.
„Офанзивата ќе ја влоши веќе катастрофалната хуманитарна ситуација и дополнително ќе ги загрози животите на заложниците“, изјави портпаролот на Европската комисија, Ануар Ел Ануни.
Шефицата за надворешна политика на ЕУ, Каја Калас, утре ќе презентира предлози пред националните парламенти за засилување на притисокот врз Израел поради неговата воена кампања во Газа.
