Обилни дождови и силни ветрови го зафатија големиот дел од Калифорнија, предизвикувајќи поплави, лизгање на земјиштето и големи прекини во снабдувањето со електрична енергија. До божиќната ноќ три лица загинаа, а околу 100.000 жители останаа без струја.
Во некои делови од округот Лос Анџелес се измерени 27 см дожд по квадратен метар, што резултираше со евакуации и затворање на главните патишта. Службите за итни случаи изведоа неколку спасувачки операции, вклучувајќи и извлекување на луѓе заглавени во возила поради растечките води.
Гувернерот на Калифорнија, Гевин Њусом, прогласи вонредна состојба во Лос Анџелес и другите окрузи во Јужна Калифорнија. Националниот центар за метеоролошка служба предупреди на можни ненадејни поплави, додека брзината на ветровите во областа на заливот Сан Франциско достигна над 161 км/ч.
Бурите се последица на неколку атмосферски реки кои носеа големи количества влага од тропските предели, за време на една од најпрометните туристички недели во годината.
