[ВИДЕО] Се појави нова снимка, Ламборџинито на ѕвездата на Ливерпул во секунда завршило во пламен

Додека фудбалскиот свет жалува по ненадејната смрт на португалскиот фудбалер Диого Жота (28), се појавуваат нови информации, фотографии и снимки од сообраќајната несреќа во која загинаа тој и неговиот брат.

На најновите видеа, снимени од возач на камион кој прв пристигнал на местото на несреќата, се гледа како пламенот го проголтува скапиот Ламборџини во кој патувале Диого и Андре Жота. За жал, нема спас.

Според прелиминарната истрага, автомобилот на Жота имал дупната гума додека престигнувал друго возило, поради што излетал од патот и се запалил, како што е прикажано во видеото.

„Центарот за итни случаи во Кастиља и Леон доби повеќе повици за сообраќајна несреќа на 65-тиот километар од патот А-52 во општина Чернадиља, Замора. Во несреќата учествувал автомобил кој се запалил. На местото пристигнаа сообраќајната полиција, противпожарната бригада, како и медицински тимови кои ја потврдија смртта на две лица“, соопштија службите за итни случаи.

Шпанските медиуми известуваат дека автомобилот е целосно уништен и непрепознатлив.

Диого Жота остави зад себе сопругата Руте Кардосо, со која се венча само 11 дена пред трагедијата, и нивните три деца.