Со големо задоволство, Националниот парк Пелистер го најавува почетокот на ски сезоната на Ски центар Копанки. Во првата фаза ќе биде отворена само горната ски стаза кај ски-лифтот, а посетителите ќе можат да уживаат во зимските активности секој петок, сабота и недела од 09:00 до 15:00 часот.
За најголемо задоволство на љубителите на снегот, организаторите најавуваат промотивен петок со бесплатно скијање за сите посетители. Ова е идеална прилика за семејства, почетници и искусни скијачи да го почувствуваат зимскиот амбиент на Пелистер и да уживаат во чистата природа.
