Поништени сите резултати и рекорди на трансродоватa пливачка, универзитетот им се извини на останатите пливачки

Пенсилванискиот универзитет ги поништи резултатите на Лиа Томас и ѝ се извини на останатите пливачки

Универзитетот во Пенсилванија објави дека ретроактивно ги поништува сите рекорди и резултати на трансродовата пливачка Лиа Томас и ѝ се извини на спортистките кои, поради нејзиното учество, биле ставени во нееднаква положба.

Одлуката доаѓа како дел од спогодба со Министерството за образование на САД, по федерална истрага што утврди прекршување на Законот IX, кој забранува дискриминација врз основа на пол, но сега бара дефинирање на полот според биолошките критериуми во спортот.

Универзитетот се обврза да им ги врати титулите и рекордите на пливачките кои изгубиле од Томас, а секоја од нив ќе добие лично извинување. Во иднина, „Пен“ нема да дозволува натпреварување на мажи во женски спортови или користење на женски спортски објекти од лица со машки биолошки пол.

Лиа Томас, која претходно се натпреваруваше во машкиот тим, во 2022 година стана првата трансродова спортистка што освои НЦАА титула во женска категорија.

Одлуката следи по новите федерални регулативи, поддржани од администрацијата на претседателот Доналд Трамп, кои бараат строга поделба на спортистите според биолошкиот пол.

Секретарката за образование, Линда МекМахон, изјави дека ова е „голема победа за жените и девојчињата низ САД“.