Во новиот состав на Советот на Град Скопје, коалицијата составена од ВМРО-ДПМНЕ, „Вреди“ и ЗНАМ обезбедува стабилно мнозинство од 25 советници, покажува конечната распределба на мандатите објавена од Државната изборна комисија (ДИК).
ВМРО-ДПМНЕ ќе има 18 советници, додека коалиционите партнери Левица, „Вреди“ и ДУИ ќе добијат по 6 советници. СДСМ ќе располага со пет мандати, а по еден советнички мандат освоија коалицијата „Искуство за успех“, партијата ЗНАМ и граѓанските листи „Независни заедно“ и „Зелен хуман град“.
Советот на Град Скопје брои вкупно 45 членови, што значи дека владејачката коалиција ќе има доволно гласови за донесување одлуки.
На локалните избори во 2021 година, ВМРО-ДПМНЕ исто така имаше 18 советници, додека СДСМ тогаш освои 12, што е седум повеќе отколку сега. ДУИ имаше пет советници, Левица четири, а по два мандати добија Алијансата за Албанците, Алтернатива, коалицијата ЛДП/ДОМ и независните претставници од „Зелен хуман град“.
