Повеќе села во тетовскиот регион утре, 11 февруари 2026 година, ќе останат без снабдување со електрична енергија поради планирани зафати на електродистрибутивната мрежа.
Според најавата, во периодот од 09:00 до 14:00 часот планиран прекин ќе има во селото Јанчиште, каде без струја ќе останат објектите кои се наоѓаат на патот кон селото Прељубиште.
Во истиот временски период, од 09:00 до 14:00 часот, без електрична енергија ќе биде и селото Шемшево, при што прекинот ќе ги опфати објектите што се наоѓаат во близина на училиштето.
Планиран прекин на струја ќе има и во селото Палатица, исто така од 09:00 до 14:00 часот, а без напојување ќе останат објектите лоцирани на патот кон селото Требош.
Дополнително, во селото Шипковица е најавен прекин во периодот од 09:30 до 14:30 часот, при што без електрична енергија ќе бидат објектите што се наоѓаат на влезот во селото.
